Translate

viernes, 24 de octubre de 2008

HOXE VOLTA SER VENRES

Dorna Belida
San Gregorio. Bouzas. 2008

ESTA SEMANA, estuven coa xente da Remadoira para resolver a "Misteriosa orixe da Belinda" e xa vos aununciei que necesiato un tempo para contrastar datos. Queda a cousa aprazada ate a semán que ven. Así ten máis emoción. No tema do aniversario do Clube Mariño Salnés non é doado resumir en tan pouco espacio e tempo toda unha década de actividade, así que a semán seguinte será a 2ª entrega.

Durante a semana e a través da historia do CMS fixen unha viaxe no tempo, un ollar de esguello ó pasado máis inmmediato. Vivimos con tanta presa que o de onte xa está reseso. Pero non poderemos chegar a comprender nada si non temos un momento para ollar o tempo arredor de nos. O persoeiro desta semana non é unha persoa atemporal, todo o contrario, é un home deste tempo, do outro e do que virá. Quería reservar a esta persoa para unha ocasión máis lustrosa, pero o "xok" que me dou velo na prensa diante do Presidente Touriño na Festa de San Froilán precipita a elección do persoaeiro de hoxe.

O Persoeiro da semana é: CAO de Combarro.

6 comentarios:

O´Fartura dijo...

Ola amigo:
Está xenial a serie de entradas sobre a historia do CMS.
Por favor, continúa, é moi interesante.
Ao outro lado da pantalla do ordenador hai xente á que lle interesa o que nos contas.
Non o dubides.

Unha aperta mariñeira.

Anónimo dijo...

Ola Xaquín,
parabéns polo blog.
Creo que lle estas dando un enfoque moi interesante.
Lembrar de onde vimos, e a xente que noutros tempos (e agora) dou o callo, pareceme unha grande idea.

bou de vara dijo...

Amigo Farturas, abrir así a golpe de luns o blog e atopar de primeiras coa túa visita é unha boa maneira de empezar a semana. Fuches a primeira persoa que entrou no blog, fará agora unhas seis semanas. Foi así como comprobei que o blog estaba na rede e ante a decisión de eliminalo ou seguir, decidín o segundo. Inmediatamente fixeches un enlace con boudevara na Sigradura da Relinga que eu aínda non tiven a deferencia de facer por que naquel primeiro contacto xa te expliquei que tería que pasar un tempo para considerarme un blogger. O recoñecemento son as visitas e este blog aínda ten moi pouquiñas pero se ti dis que outra xente está interesada no que conto é que xa me podo considerar un blogger e como tal solicito autorización para poñer "Singradura da relinga" na lista de blogs en Boudevara. Parabéms pola Comisión Muros.2009. Vexo nas fotos caras coñecidas, outras novas e tamén unha combinación de xente nova e xente experimentada. Pinta moi ben.
Saúdos mariñeiros

bou de vara dijo...

Xocas. moitas grazas pola visita. Seguirei esta semana coa historia do CMS aínda que hoxe non teño tempo. Eu tamén penso que é interesante de vez en cando facer exercicios de memoria, axuda a manter a mente en forma e ademáis así convertemos o tempo en espacio común, porque a pequena historia do CMS, coma a de outras asociacións, tamén ten aportado o seu grao de area á Grande Historia da Federación. Benvido a este blog.

A.C.D.X.Fasquía dijo...

Ola Xaquin:

A min tamén me parece moi interesante o teu blog, e tamén o sigo dende que se fundou. O principio non sabía que eras ti ata que puxestes a túa foto. O da historia do CMS é algo que eu descoñecía, escoitara falar algo de que a Federación estaba parada pero non sabía que fose así, porque eu entrei neste mundo das embarcacións tradicionais verán do 2002.
Parabéns, e agardo intrigado por saber máis.

bou de vara dijo...

Ola Mónica/Santi?, estou contando a historia dos dez anos do Clube Mariño Salnés (CMS) e aproveito, de paso, para enlazar con cousas da Federación daqueles anos que me tocou vivir(dende unha óptica persoal e doméstica como xa dixen). Pero non confundas unha cousa coa outra (dame a sensación de que quizás non deixe demasiado claro cando falo do Clube de Cambados e cando falo da Federación, tentarei ser máis claro).
En canto o "parón" da Federación foi así, e así se conta no apartado ¿Que é? da Web oficial da FGCMF que reproduzco: "despois dun encontro de embarcacións nas augas do Grove en xullo de 1997, a Federación, en palabras de Dionísio, "ficou varada, sen directiva e sen actividade ningunha", mentres as asociacións mantiñan aceso o facho da posta en valor dese patrimonio".

Ben, xa ves, daquela a organización dos Encontros eran como Atila, e para as asociacións que organizaban supoñía un "queime" considerable. Nese ano 1997 ese esforzo tamén pasou factura á Federación que tardou un tempo en recuperar folgos. Son cousas que pasan, e todo ten un prezo. Falando doutras cousas noraboa pola "Lavanqueira", está preciosa. Teño ganas de ver a da escola de Vigo, a terceira do Desafío A Tope. E tamén está a Belida ou a Airexa, e A Muller de Balboas, toda unha flota de dornas de tope.
Gracias pola visita a este blog, eu tamén sigo o voso dende o principio. Salitre compañeiros.