Tempo de reserva

Xa foron varios os que se decidiron, pero queremos lembrarvos que estades aínda a tempo de reservar a vosa camisola do BOUDEVARA.
Farémolas baixo pedido, polo que se estades interesados debedes facer a vosa encomenda a xaquin@beiradomar.es ou linoprieto@gmail.com antes do día 30 de xuño, indicando numero de unidades e talla.
Non te quedes sen ela.

O CMS ó desnudo

O Clube Mariño Salnés xa está preparado para ir a Muros. Un Clube cunha nova mirada e con novas caras (aí van algunhas):

Bruno

Rubeola

Jato

"A Muller de Balboas" navega xa dende o mes de Abril máis bonita que nunca.Con este renacer da asociación estamos a preparar unha exposición: O CMS ó desnudo que poñeremos durante o vran no Bar Tetuán de Cambados. Aquí vai un anticipo das fotos que poderanse ver na exposición:

e por suposto o Rânâ tamén estará en Muros (con roupa):

Folkboat Rânâ
(Berlín 1971)

As camisolas do BOUDEVARA

No noso incansable afán por superarnos e ofrecer algo novo ao blogosfera, e máis en concreto aos blogs que se moven no entorno da cultura marítima, vimos de deseñar a camisola ofisial do BOUDEVARA.

A partires de hoxe mesmo todos aqueles que desexedes contar con esta peza de pret â porter no voso fondo de armario, a fin de lucila nas vosas galas, ceas familiares ou incluso para sair a enchisparse con ela enriba... (tamén vale para vestila e saír á rúa sen máis) só tedes que enviar un mail a xaquin@beiradomar.es ou linoprieto@gmail.com e solicitar os vosos exemplares, indicando tamén a talla.

Nestes momentos estamos en negociación coa empresa textil que elabora os texidos, polo que non podemos concretar o prezo exacto, pero si adiantamos que:
- serán de color chocolate
- serigrafiadas a dúas tintas (branco e amarelo)
- son presiosas e marabillosas
- inclúen a ultima tecnoloxía anti-sudor, a partir de agora o que sude será porque lle peta
- o prezo rondará os 5 euros e poderanse pedir ata o día 1 de xullo
- as camisetas entregaranse aos seus donos no Encontro Bloggeiro a celebrar durante o IX Encontro, en Muros

Se vos gusta este deseño e queredes facer as vosas camisetas para o voso barco, asociación, empresa, grupo de amigos, catequesis... podedes contactar con Todogrove.com, que foron os encargados de realizar este modelo.

ILP

Agora que se achega Muros e que existe un foro específico para este tema, bou retomar unha vella iniciativa relacionada co Encontro de Embarcacións Tradicionais de Galicia:

Iniciativa Lexislativa Popular para acadar un recoñecemento institucional para o Encontro como evento de interese cultural galego.

Aquí vai a explicación:

Ai algúns anos, con motivo da Candidatura do Patrimonio Inmaterial galego-portugués para a súa declaración como Patrimonio da Humanidade ante a Unesco, a FGCMF participou nesa proposta (iniciada pola Asociación Ponte nas Ondas) coa recollida de sinaturas para acadar do Parlamento Galego un recoñecemento e apoio institucional a través dunha ILP.

Esta experiencia abriu un debate de si esta formula era boa para o Encontro coa fin de resolver os problemas financeiros da organización dos mesmos. Todos sabemos que a itinerancia do Encontro é un dos seús atractivos principais, xa que cada dous anos se conta cun escenario distinto, e por outra banda se acada un dos fins mesmos da FGCMF e do Encontro, a divulgación do patrimonio e a nosa cultura marítima.
Pero esto, evidentemente ten uns problemas, cada dous anos a comisión organizadora ten que lidiar coas administracións para acadar a financiación necesaria que implica a organización actual dun Encontro.

Ventaxas dunha ILP:

Cando se abriu o debate se presentaron dúas formas para "elevar" ó Encontro ó Parlamento de Galicia. Unha forma era tratar cun grupo político que presentase a proposta e o resto dos partidos con representación parlamentaria aprobasen a proposta. Esto se tratou no seu momento con todos os grupos e todos estaban de acordo. Se ben esta formula, ainda que rápida, non reflectía o "espíritu" autónomo, popular e asambleario da FGCMF.

Así que, ainda que máis lenta, a vía da ILP semellaba máis propia. A declaración do Encontro como evento de interese cultural, social e económico galego por parte do Parlamento de Galicia ten unhas ventaxes clarísimas, a de ter un recoñecemento institucional e por outra banda estar reflectidos automáticamente nos orzamentos de Galicia. As ventaxes semellan claras.

¿Como se artella unha ILP?

Basicamente, faise unha solicitude no Parlamento. Despois se editan os pliegos de sinaturas, e despois de recabar as sinaturas suficientes se entregan no Parlamento, o cal deberá pronunciarse. Si se acepta, teríamos resolto un grande problema.

O momento penso que é oportuno, porque temos Muros á vista i é bo momento para empezar a crear o "ambiente propicio" e por outra banda a FGCMF ben de integrarse na Maritime Heritage. Temos a experiencia de Ponte nas Ondas e temos máis de 40 colectivos que poden ser os mecanismos de recollida de sinaturas en toda Galicia.

Se ben, este tema vai máis alá de Muros e por iso prefiro que sexa a propia directiva quen en caso de consideralo interesante faga a proposta de debate nos foros oficiais.

Neste blog simplemente bou abrir unha enquisa para ver que opina a xente.
Agardo que esta iniciativa poda abrir un debate e que o consideredes polo menos interesante.

Máis TalXip 09: Concerto no Zorba

No Centro Sentral de Boudevara, estannos chegando moitas fotos e imaxes da TalXip, Ahí van unhas poucas, non sin problemas técnicos previos.