Translate

viernes, 20 de julio de 2018

Illa Rúa


Illa Rúa (Ría de Arousa) vista dende o costado do Rana (babor)


Illa Rúa



Ao lonxe emerxes coma exército de farallóns ao asexo,
cun enxame de escollos protexendo os teus flancos
e un faro pétreo coroando o outeiro.







Pertences ao mundo granítico,
avoengo de con duro labrado a golpe de vagallón,
chantada no medio dese mar incesábel 
que esculpe o teu rostro
petando na faldra rochosa adobiada
de escuma salgada ao teu redor.





 
 
 















Es fogar de soidades, de silencios e estrondos,
de caladas tardes cando o vento se ausenta
e do rebumbio das gaivotas rachando a quietude
por un raxo de gradicela enxoita.


 



















Plataforma sólida amorfa,
abrupta de aceno quebrado,
de sorriso esquivo petrificado nas sombras
e unha fala cosida cun milleiro de cicatrices
en cada rocha do teu corpo.






Illa de pedra que dormes deitada na ría contemplando o ceo,
ollando dende o faro o vagar das estrelas,
rumbos encontrados nas aliñacións cósmicas
que cun bico da túa fonte doce, reconfortas e te despides.









 

Exidio Cuíñas
xullo 2018 ©






imaxes: Rita Yañez, Bea Laya e Olaia Castro
Travesía a Rúa. Verán 2018,

martes, 3 de julio de 2018

ESCOLA de Vela Tradicional Cambados


Escola de Vela Tradicional Cambados 2018
Edición: 3ª edición
              do 17 de xulo ao 11 de agosto.

Organiza: 
Asociación Vela Tradicional Cambados

Colabora: 
Concello de Cambados




 


Descrición:

Por terceiro ano consecutivo, o concello de Cambados e a Asociación VTC van poñer en marcha unha nova edición da Escola de Vela Tradicional.

Novo formato: para a presente edición, a Escola estará aberta durante un mes enteiro do 17 de xullo ao 11 de agosto e ofrecerá dous cursos de 2 semanas de duración cada un.

Requisitos: Os cursos están abertos ao publico en xeral a partir dos 14 anos (ou ben cumprilos no presente ano) e saber nadar.



 
Datos

  • Nº DE CURSOS: 2
  • Lugar:  Mariña Tradicional Porto de Cambados
  • Nº alumn@s por curso: 20 PRAZAS
  • Duración curso: 2 SEMANAS cada curso.
  • Días de curso: martes, mércores, venres e sábado.
  • Horario: de 16:00h a 20:00h.




CALENDARIO
 
16 de xullo: Apertura e presentación oficial Escola 2018



CURSO 1
Curso 1: do 17 ao 28 de xullo

Martes 17
Mércores 18
Venres 20
Sábado 21
Martes 24
Mércores 25
Venres 27
Sábado 28


CURSO 2
Curso 2: do 31 de xullo ao 11 de agosto

Martes 31
Mércores 01
Venres 03
Sábado 04
Martes 07
Mércores 08
Venres 10
Sábado 11




PREZO:  60€ + 10€ de seguro.  
 - Desconto de 10€ para os socios/as da Asociación Vela Tradicional Cambados



Embarcacións da escola: 


Unicornio. Bote de Ribadeo. Asociación A Torre
  
  
tipoloxías
barcos

DORNAS polbeiras:
Treixadura,Toxiña, Selosa, Julicheira e Sicamontes
5
DORNAS de tope:
Airexa e Muller de Balboas
2
Bote Ribadeo:
Unicornio
1
Loros/gamelas:
Espadeiro, Caíño, Jipi
3
Outros:


Nordic Folkboat
Rana
1
TOTAL

12








 







 

Equipo da Escola: o equipo de patróns/nas, monitor@s e axudantes os aportan as asociacións de cultura marítima de Cambados: 

Clube Mariño Salnés 
A Torre 
As Joritas


 

Obxectivos:

  • Ampliar a oferta cultural e deportiva de Cambados
  •  Consolidar a navegación tradicional en Cambados
  • Contribuír a acadar a MARIÑA TRADICIONAL PORTO DE CAMBADOS
  • Socializar o patrimonio marítimo das asociación de cultura marítima de Cambados




 ESTE VERÁN, VEN NAVEGAR CON NÓS A CAMBADOS!

 Inscrición:
 1º andar do Concello de Cambados 
do 02 ao 15 de xullo.