Unha anécdota curiosa aconteceu naquela mítica taberna-stand “Dorna” en Rianxo. Chegaba o derradeiro día e queríamos pechar o stand cunha queimada pero non había onde conseguila, así que fumos pola calle preguntando quen podía vender. Un señor que estaba nun bar preguntounos que buscábamos e o enterarse que queríamos augardente para clausurar un stand da Carpa da Festa ofreceuse a levarnos a augardente pero coa condición de poder asistir coa súa dona e cuns amigos franceses. Era o alcalde de Rianxo. Alí presentouse coa augardente e a pota, coa muller e cos franceses. A queimada preparouna el mesmo e aí nos enteramos que os franceses eran os organizadores dunha Festa de Barcos Tradicionais que se facía en Francia, nunha vila chamada Dornenes ou algo así. Os franceses estaban alí para ver o da Festa das Tradicións Mariñeiras de Rianxo e porque no seguinte ano tiñan intención de irmandar a vila galega coa bretona. Despois da queimada os franceses insistíanlle ó alcalde que o stand-taberna tiña que estar en Francia no ano seguinte e que todas as noites había que preparar unha queimada. Os franceses pediron os nosos enderezos e nos dixeron que nos enviarían información do evento e un boletín de subscrición. Era a primeira vez que nós (os do Clube Mariño Salnés) tiñamos contacto con estas cousas, naquel verán do 99 eramos uns recen chegados e nin sequera tiñamos unha dorna.
Mañán máis.
No hay comentarios:
Publicar un comentario