NAVEGANTE "JAVUCHO"

Javucho no Rana. Palmeira 2006
Foto: Persoeiro de boudevara. Outubro 2008


Hoxe recibimos unhas fermosas fotos de Javucho e Lolecha navegando no seu barco por augas canarias.

Esta é a información que nos manda:

"Travesía de Semana Santa das Palmas ó sur de Furteventura, porto de morro jable. Fumos unha flotilla de tres veleiros ainda que o tempo estaba no límite de marejada, ventos de 20 nudos e mar de fondo de 3 metros. Todo ben, ainda que tiven que cambiar unha batería en Fuerteventura e teño que levar a coser a banda protectora do génova. Eu sigo de curso en curso e aguantando a crisis nas illas. SAUDOS. Cambio e corto".

A quí van as fotos:







E tamén non manda este video onde podemos ver como fan as probas de examen náutico en USA:



Unha forte aperta Javucho e sinto non ter podido estar aí este ano como estaba previsto. Quedamos para a seguinte. Até sempre. Cambio e corto.

O CHASULA EMPALMADO

O pasado venres 9 de abril, o Chasula serviu de escenario e decorado para unha sesión fotográfica de alto nivel. As modelos enchían a cuberta posando para aqueles afortunados que poideron contemplar a beleza das rapazas.

Aquí van algunhas:





E aquí o video da emisión na TVE en Jalisia:



Así o veu Isidro Mariño (Capitán “Chancletas”), patrón da pasarela Chasula


Isidro manexando o aparato

Según explicou Isidro, as "periquitas" se portaron moi ben a bordo e toda a tripulación fixo boas migas co equipo de realización da reportaxe. A ver se para a próxima imos a bordo.

O obispo durmiñento

A Araceli varada en Galicia

Os nosos amigos de Málaga coa súa barca de jávega finalmente e despois de moito bogar chegaron a Padrón. Como xa comentamos na entrada anterior fixeron o seu percorrido por etapas, condicionados pola climatoloxía (cousas do mar) e polos días dos que dispuñan (cousas de terra).

A "Rosario Ana" amarrada nos pantaláns das Joritas

O contacto cos “nosos homónimos” andaluces non é de agora, senón que xa ven de anos atrás. Estiveron con nos celebrando o VI Encontro de Embarcacións Tradicionais de Galicia, en xullo de 2005, e desde aquela mantívose o contacto, de feito varias embarcacións galegas asistiron ao seu I Encuentro Marengo, un evento realizado no seu centro de operacións, no malagueño barrio de Pedregalejo, onde se atopan os Astilleros Nereo, unha carpintería de ribeira emblemática coa que teñen unha especial relación.

A ruta no GPS

Ofrecémosvos, por xentileza dos amigos do CD La Espailla, unha imaxe de satélite na que se ve o trazado que completaron na etapa que cubriron desde o Porto de Meloxo, no Grove, ata Vilaxoán.

A tropa no Obradoiro "de plantón"

Tamén nos comentaba Carlos González que chegaron á Praza do Obradoiro para recibir a bendición obispal (a ese barco non lle entra máis o bicho), pero o bispo debeu de salir o sábado anterior porque non asistiu á cita.

Quedamos coa intriga da historia do obispo durminte.

A Araceli no Grove

O pasado martes tiven oportunidade de coñecer aos amigos da Club Deportivo La Espailla, un grupo de amigos veteranos nesto do tema cultural e mariñeiro do barrio de El Palo, en pleno centro de Málaga.

O amarillo é a súa cor

Atópanse nestes mares esta semana inmersos nunha actividade que consiste vogar desde Arcade a Padrón, recreando a Ruta Marítima Xacobea. A pasada fin de semanas botaron ás augas galegas a súa barca de xábega ‘Araceli’, unha embarcación propia da Mediterráneo, construída hai algo máis de dous anos nos Astilleros Nereo, na mesma Mágala.

A ‘Araceli’ é unha réplica recente da ‘Nuestra Señora Virgen del Carmen’, a orixinal que conta con máis de 180 anos de vida nas súas madeiras; que mide 9 metros de eslora, pinta de branco e ten uns detalles moi coidados.

Preparando para botala ao mar

O mal tempo que lles cadrou desde a fin de semana forzounos a facer cambios no plantexamento da expedición, polo que decidiron achegarse por terra a Porto Meloxo, para volver a botar ao mar a embarcación e continuar remando desde alí cara a Padrón. Alí fun recibir ao grupo, que viña acompañado por Braulio Puga.

Unha vez alí, Braulio presentoume ao responsable da loxística e portavoz da expedición, que era Carlos González, un galego de Pontevedra que leva moitos anos afincado en terras malacitanas. Foi quen me contou que o CD La Espailla ten documentada a existencia de 9 barcas de xábega e que dúas delas (máis esta réplica) atópanse no poder do colectivo, e que están en perfecto estado de coidado e navegación, aínda que preferiron empregar a ‘Araceli’ para esta viaxe, a plota reúnese para celebrar 8 regatas a remos nas fins de semana de xullo e agosoto. Carlos tamén me falou de que estas embarcacións son de orixe fenicio, proba da fama de grandes navegantes desta civilización, e que este é o motivo de que luza nas amuras ese ollos tan características.

Botei unha man para baixar o barco do carro, fixémonos unhas fotos todos xuntos cas súas roupas amarelas, despedímonos e alá foron remando rumbo a Vilanova de Arousa, nunha etapa máis para completar a súa viaxe. O próximo domingo estarán na santiaguesa Praza do Obradoiro, con furgón, remolque, barco e todo para que o bispo lle bendiza a ‘Araceli’, e de volta para Málaga, pero esta vez sen remar.

Braulio de reporteiro a bordo facendolle fotos ao patrón

Quen será, será?

Estamos en tempo de postulados e candidaturas para o X Encontro de Embarcacións de Galicia, polo de agora, segundo soubemos pola prensa, hai dúas iniciativas para acoller a décima edición e vixésimo aniversario da Grande Festa da Cultura e o Patrimonio Marítimo.

Hai que recoñecer que o feito de que concorran dúas candidaturas para a celebración dun Encontro é sempre unha boa nova, xa que os que estamos metidos nesto sabemos moi ben o que implica meterse en fonduras organizativas a este nivel.

A Asociación Cultural Dorna, da Illa de Arousa, e a Asociación Cultural Rompetimóns, de Carril, en conxunto coa Asociación Marítima e Cultural de Vilaxoán, son boa mostra da boa saúde da que goza a actividade máis representativa da FGCMF.

O prazo continúa aberto para aquelas entidades que desexen que o seu porto sexa sede do X Encontro, polo que no Boudevara decidimos animar un pouco o cotarro con unhas poucas fotos de encontros pasados, para ir abrindo boca, ata que a Xunta Directiva da Federación faga pública a súa decisión.

A Meca entrando en porto. Muros 2009

O Cempés en concerto. Ferrol 2007

A xeiteira aparellando. Ferrol 2007

Dornas do Grove. Ferrol 2007

Viñalar Fantastic Band. Cambados 2005

A Bicoca antes de ser sorteada. Cambados 2005

Mostra de modelismo naval. Illa de Arousa 2003

O cesteiro. Illa de Arousa 2003

Teatro de rúa de "Os Quinquilláns". Illa de Arousa 2003

Ben, e como xa fixemos no ano 2009, imos abrir unha enquisa para mirar as preferencias do persoal.
Así que en boudevara podedes manifestar as vosas preferencias e despois xa miraremos se acertades coa elección oficial.

Actualización:
Ahí vos quedan as noticias ás que nos referimos:

ASAMBLEA do 13 de marzo

A Muller de Balboas con rizos entrando no Grobe. Verán 2008
Foto: Lino Prieto

Estimados soci@s, este vindeiro sábado, en cumprimento do acordado na Asamblea do pasado día 12 de febreiro, imos celebrar a 2ª Asamblea Xeral do ano coa seguinte orden do día:

Asamblea Xeral
sábado 13 de marzo 2010
20.00h 1ª convocatoria
20.30h 2º convocatoria
Local social: baixo da escalinata de San Tomé.
Tempo aproximado de Asamblea: 1 hora

ORDEN DO DÍA

1. Lectura acta anterior
2. Distribución e ratificación de cargos da nova directiva
3. Enmenda á Lei Xeral de Navegación Marítima
4. Dominio Web
5. Actuacións 2010. Creación de equipo de traballo se procede.
6. Rogos e preguntas

Duranta a Asamblea falaremos ademais da reunión coa FGCMF en materia de coordinación de regatas de dornas; e previamente, quedaremos a partires das 17.00h para limpeza e acondicionamento do local social. E como estamos en campaña de captación de novos socios, esta convocatoria vai tamén para aquelas persoas que teñan interese en achegarse ó Clube, ven como socios ou simplemente para informarse, seredes benvidos.
Tfono contacto:
Juan ("Cube"): 670652397

Pasade a voz para ós despistados, vémonos o sábado.

Nota aclaratoria: acabámonos de enterar de que o Faro de Vigo publicou hoxe unha información errónea relativa ó CMS polo que haberá que enviarlles unha nota aclaratoria e en todo caso preguntarlles de onde sacaron esa información. O lóxico sería que chamasen a alguén do Clube para ter información de 1ª man. Flaco favor nos fan os medios de prensa publicando datos falsos e sen contar con ninguén do Clube. En fin.

E para poñer o boce na boca da nova tempada que xa se sinte perto, esta foto do verán pasado:


Día de curso. Baixando velas para maniobra de atraque.
Foto: Lino Prieto

O XYNTIA

Xa pasou o temporal da pasada fin de semán e os metereólogos anuncian a chegada doutra borrascada de certa consideración. O “Xyntia” non foi o que se agardaba i é que dende que non está Peman no Tempo da Telejaita, os chubascos xa non son tan churrascosos, as nevoas tan nevoentas e os orballos tan tocacarallos.
Bueno, aquí van unhas fotos do temporal “Xyntia”:

Por Lino Prieto. Corresponsal de tronadas








(Nota: a cara de Xabier Babé ollando á "Peregrina" tiña que ser boa.)





E esta preciosa foto (roubada) é do cambadés Iago Otero, que lle sacou esta fotasa a Isidro. (pedimos deculpas anticipadas ó autor da foto por publicala sen permiso)


Isidro na ponte do Chasula
Autor: Iago Otero
Título: O ultimo en abandoar o barco

E aquí van un videos tomados co meu mobil que acabou de ajua até os buzóns.











E como hoxe é venres, retomamos as novas BOU e VARA da semana








BOU
A boa nova. Por Lino Prieto



A boa nova desta semana esperemos que sexa desencadenante dutras boas novas, xa que se trata dn feito necesario e extrapolable.
A sesión plenaria do Concello do Grove, celebrada onte xoves 25 de febreiro, ven de acordar de xeito unánime apoiar a enmenda á Lei General de Navegación Marítima, co cal se amplia o listado de entidades que suscriben a devandita enmenda.
Como dixen ao principio, sería excelente que máis Concellos se sumaran de xeito oficial a esta iniciativa da cal a FGCMF é parte importante da estratexia, xa que a vontade da sociedade e a realidade ten que ser tomada en conta á hora de lexislar.
A noticia:
http://www.todogrove.com/index.php?option=com_content&task=view&id=2725&Itemid=1

A VARA
A mala nova da semana
Por Xaquin L. Cuíñas

Como en anteriores meses, a piratería no Índico segue a ser un pesadelo para a flota atuneira.
Onte tocoulle a un atuneiro vasco coa metade da tripulación galega e outros barcos tiveren que fuxir para non ser abordados. Antronte o mesmo panorama, o Albacan tivo que facer uso da garda privada para intimidar ós atacantes e facelos desistir do intento de secuestro.
Chove sobre mollado.



(Foto roubada. La Razón.es)