Parrocheira 2009.

Esta fin de semana celebrouse en Ferrol Vello, no porto de Curuxeiras, a XVII edición da Parrocheira. Os festexos comezaron o sábado cun nordés bastante fresco, os barcos sairon ao mar e houbo algun que outro susto pequeno pero sin que ninguén se mancara. O Nove Metros tivo algunha dificulta que lle provocou un anegamento de auga, chegaron a terra pero houbo que reflotalo, tras unha primeira inspección o barco non tivo danos.

Revisando a caixa negra do Nove Metros

A xornada do domingo foi algo máis relaxada que a do sábado, houbo tamén navegación, un ano máis tivemos oportunidade de velear no Ría de Ferrol, co amigo Bedoya de Capitán e Xefe de Maquinarias Varias. O vento xa non foi como na xornada previa pero permitiu unha navegación ben cómoda.

Don Bedoya: vuelve el hombre

Ainda que o domingo faltaban xa os barcos de Redes e Ares, entre as embarcación atopámonos algunhas das dornas da Illa de Arousa, tamén o Punta Pragueira, o Galeón da Asociación de Amigos das Embarcacións Tradiconais da Coruña, e tamén andiveron por alí os Mariñeiros de Bouzas, que arriaban cabos despois do xantar, baseado no caldo limpo (o marmitako papárono o día antes), xamón e marscos de cortello pasados pola grella.

As dornas da ENT da Illa de Arousa

Alegrámonos do carácter continuista da Parrocheira: o Cabazo, Susa toda atareada, moitos paus de madeira, a flota de embarcacións tradicionais de Ferrol (non hai duas ijuales) en completa mobilización, o bo ambiente en terra e a gran idea da Operación Acougo.

O Ría de Ferrol descansa en Curuxeiras