Oscar merendando no RÁNÁ despois dunha xornada de traballo abordoNo resumo de Muros 2009, non quero deixar a ocasión de citar o noso tripulante OSCAR que non pudo facer a travesía Cambados-Muros no RÁNÁ como estaba previsto. A causa foi un “resbalón” en cuberta nada máis embarcar no pantalán. Durante a semana previa o Encontro de Muros, Oscar traballou arreo para que todo o barco estivese listo para a travesía e o Encontro, pero coma sempre as presas son malas conselleiras e este ano non mesturei os polbos antideslizantes na pintura de cuberta. Esto, unido as presas” por sair, ocasionaron o patinazo.
Consecuencias: un ferida aberta na canilla e un forte golpe no ombreiro. Despois de ir con Oscar ó Centro de Saúde para aplicarlle asistencia médica decidimos saír aínda que a moral xa non era a mesma.
Lección: extremar a seguridade e aplicarlle máis calma porque a cousa quedou nun susto pero a tripulación non deixou de pensar que un dos tripulantes tivo que quedar en terra por unha tontería.
Saúdos da tripulación do RÁNÁ nesta foto que apareceu no mobil entrando en Muros cando unha manda de golfiños nos daban a benvida.
Tripulación travesía Cambados-Muros: Majete, Acha, Jato, e máis eu.Máis cousas:
RESUMEN ENCONTRO BLOGUEIRO. Muros 2009
POR LINO PRIETO
Para ser fieis á verdade empezarei reconocendo unha falta: cheguei tarde ao Encontro Bloggueiro, e tiña causa xustificada: ese sábado pola tarde saín a dar unha voltiña na SEMPARADA, levando como proel ao amigo Xabier Camba-lache. E aproveitando a coiuntura enleámonos a arrancar todo e meter a dorna no carro.
Ao chegar ao Telecentro de Muros, recibin unha grata sorpresa ao primeiro golpe de vista, veume á cabeza o anterior encontro de blogueiros en Ferrol, no que nos xuntamos catro gatos (case literalmente). Pero nesta ocasión entrei nunha sala de ordenadores na que se atopaban case 25 persoas, blogueiros, blogueiras, consortes e amiguetes.
Xocas facía de moderador im-placable, repartindo os 7 minutos de gloria que nos tocaban a cada un de nós. Cando entrei estaba o amigo Joaquín Yarza, de modelismonaval.com, comentando o mundo de tráfico que rexistra o seu portal, todo un referente dese mundiño en Internet. E logo falou o “recente” amigo Joan Sol, de elmareselcami.blogspot.com, que nos explicou como entende o mar e como leva a súa afición-adicción a el.
Falou Mar, a Amiga Atlántica, que estaba verdadeiramente emocionada e alegre polo resultado dos dous Encontros (o de EETT e o dos bloggers), e logo Regino, de caamouco.net.
E tamén falei eu, que non teño moito que contar e que ando metido en blogs por un tubo.
O encontro foi ben productivo por coñecernos todos e resultou dinámico porque as intervencións non se prolongaron moito, achegábase a hora de cear e alá fomos todos xuntos para a Taberna Mariñeira, onde tomamos unha caña.
Anotacións para vindeiras edicións:
- algo máis de luz, para vernos as jetas e non deslumbrarnos ao sair da sala
- unhas cervecitas frescas,que estamos no mes de xullo!!
E ata aquí a miña parte, Xaquín terá que explicar como empezou o tema, que el foi máis puntual ca min.
2 comentarios:
Lino, como sabes eu estiven moi pouco tempo. Andiven a mil por hora para poder estar alí, e subín aquelas escaleiras ó inferno abafando coma un poseso. Por fín cheguei coa camiseta empapada en suór e salitre, e con vinte camisetas boudevara sen estrenar nunha bolsa (que tentasión).
A pesares de chegar tarde aínda non empezara o tema e a xente estaba á fresca sentada na porta da Casa da Cultura, entre eles Joan Sol. Aproveitei para ír o baño pero nin xabón, nin toalla, nin papel, así que endulsamiento, secado e estreno da 1ª camisola boudevara. Despois, un mirar para o reloj, porque tiña o compromiso de tocar co grupo "CANHEROS" para ir de pasarúas encabezados polos "cabezudos" que trouxo Camba como actividade de animación para os máis pequenos.
Sonou o téléfono reclamando a miña presencia no punto de encontro dos Canheros (a carabana de Edu), tiña que elexir, máis despois de ver a Lino entrar pola porta da Casa da Cultura decidín marchar, o blog boudevara estaba representado da mellor maneira. O demáis foi unha historia.
A pena foi non repartir as camisetas alí, pero estaba a opción da cea, pero xa sabemos como son esas cousas, atopas con este, co outro, séntaste aquí, outro que te chama, aquel que non sei que quere, os saúdos, os abraços,os bicos, achuchóns,... bueno, Os Encontros.
A pesares de todo tiven tempo mínimo para entregar algunhas camisetas e mesmo de saúdar a xente que non coñecía persoalmente como Moncho Bouzas, ou saudar a xente coñecida como Marta que non veía dende a presentación do Encontro de Cambados en Barcelona.
En fin, a cuestión é que foi un éxito e este blog irreverente estivo presente a través de Lino,... e si non estivese penso que tampouco se votaría moito de menos, ou si?
Xaquín: aqui non fala nin dios!
Pois vou a falar eu (ainda que me dixo un que me veu en Salitre que non sei falar en público):
No Encontro Bloggueiro apareceu Miguel de Lira, o célebre actor galego, que estuvo polo Encontro de muros presentando o trailer de "OS CREBINSKY", a última peli na que anduvo metido, reparteu unha tarxetas moi simpáticas na que nos recomendaba visitar a web http://www.crebinsky.com/
na que pretenden crear a Rede Internacional de Beachcombers (Bichicomas, como decimos no Grove)
Publicar un comentario