ESCOLA de Vela Tradicional Cambados

Escola de Vela Tradicional Cambados 2018

Edición: 3ª edición

              do 17 de xulo ao 11 de agosto.

Organiza: 

Asociación Vela Tradicional Cambados

Colabora: 

Concello de Cambados

 

Descrición:

Por terceiro ano consecutivo, o concello de Cambados e a Asociación VTC van poñer en marcha unha nova edición da Escola de Vela Tradicional.

Novo formato: para a presente edición, a Escola estará aberta durante un mes enteiro do 17 de xullo ao 11 de agosto e ofrecerá dous cursos de 2 semanas de duración cada un.

Requisitos: Os cursos están abertos ao publico en xeral a partir dos 14 anos (ou ben cumprilos no presente ano) e saber nadar.

 

Datos: 

• Nº DE CURSOS: 2
• Lugar:  Mariña Tradicional Porto de Cambados
• Nº alumn@s por curso: 20 PRAZAS
• Duración curso: 2 SEMANAS cada curso.
• Días de curso: martes, mércores, venres e sábado.
• Horario: de 16:00h a 20:00h.

CALENDARIO

 

16 de xullo: Apertura e presentación oficial Escola 2018

CURSO 1

Curso 1: do 17 ao 28 de xullo
Martes 17	Mércores 18	Venres 20	Sábado 21
Martes 24	Mércores 25	Venres 27	Sábado 28

CURSO 2

Curso 2: do 31 de xullo ao 11 de agosto
Martes 31	Mércores 01	Venres 03	Sábado 04
Martes 07	Mércores 08	Venres 10	Sábado 11

PREZO:  60€ + 10€ de seguro.  

 - Desconto de 10€ para os socios/as da Asociación Vela Tradicional Cambados

Embarcacións da escola: 

Unicornio. Bote de Ribadeo. Asociación A Torre

  

  

tipoloxías	barcos	Nº
DORNAS polbeiras:	Treixadura,Toxiña, Selosa, Julicheira e Sicamontes	5
DORNAS de tope:	Airexa e Muller de Balboas	2
Bote Ribadeo:	Unicornio	1
Loros/gamelas:	Espadeiro, Caíño, Jipi	3
Outros:
Nordic Folkboat	Rana	1
TOTAL		12

 

 

Equipo da Escola: o equipo de patróns/nas, monitor@s e axudantes os aportan as asociacións de cultura marítima de Cambados: 

Clube Mariño Salnés 

A Torre 

As Joritas

 

Obxectivos:

• Ampliar a oferta cultural e deportiva de Cambados
•  Consolidar a navegación tradicional en Cambados
• Contribuír a acadar a MARIÑA TRADICIONAL PORTO DE CAMBADOS
• Socializar o patrimonio marítimo das asociación de cultura marítima de Cambados

 ESTE VERÁN, VEN NAVEGAR CON NÓS A CAMBADOS!

 Inscrición:

 1º andar do Concello de Cambados 

do 02 ao 15 de xullo.

Pano Branco

boligrafía: Pano ao vento

Pano branco

Pano branco, costura de sal

Pano branco para bicar o mar

Pano branco, rizo de mel

Pano branco para deixarte querer.

Vai co vento pano branco de portar,
que na proa agardan os salseiros para te ver.

Pano branco por te ver,
asoman as nubes con asubíos para te levar.

Pano branco por te querer, 
 apértanse as drizas para te cantar.

Pano branco escuma de sal

Pano branco costura de mar.

Do silencio queres fuxir pano branco de foular,
por non ver o trapo de preguiza caer.

Pano branco por te mover,
embebes as ansias para te calar.

Pano branco por non morrer,
cantas ao vento para te arredar.

Pano branco, costura de mel

Pano branco para bicar o mar

Pano branco rizo de sal

Pano branco para deixarte levar.

Exidio Cuíñas

   xuño 2018 ©

É tempo de navegar, e xa levamos unhas cantas travesías no macuto: Travesía Portonovo Cambados, II Desembarco Gaélico, Travesía Sálvora...


 

  

Boas singladuras neste verán 

e vento nos panos brancos!

Imaxes:
Miguel Montero e Diego (Vela TRadicional Cambados)
2018

Sálvora: diario de un farero

Sálvora. Diario de un Farero



A editorial Hoja de Lata, ven de publicar "SÁLVORA. DIARIO DE UN FARERO",  un traballo persoal de Julio Vilches, fareiro da illa dende 1980 até o mes de agosto de 2017.

reproduzco a presentación que nos aporta a páxina da propia editorial:
Hoja de Lata. "Sálvora. Diario de un Farero".

 

 Unha mañá brumosa de 1989, Julio Vilches desembarca en Sálvora, illa localizada na bocana da ría de Arousa, disposto a estrear a súa praza de fareiro. O reciben un estartelado faro en obras, dous quilómetros cadrados de praias e bosques virxes, cabalos salvaxes, estrondo de gaivotas e os seus novos veciños: Andrés, un axudante acordeonista con moito perigo, e o Algarrobo, coas súa egrexia carabina. Para Julio, Sálvora será a partir de agora un anaco de terra libre onde celebrar a vida xunto a unha peculiar comunidade móbil de animais, amigos, amantes, náufragos e trotamundos mariños.

 
Con inusitada frescura e non exenta de drama e humor, estas páxinas recollen en primeira persoa, os quefaceres e a evolución do oficio de fareiro, o traballo de cotío nunha illa practicamente deserta, onde os traballos e as avarías do faro altérnanse con sesións de guitarra e cancións xunto a cheminea, guerras feudais co marqués propietario da illa, recollida de “mareas louras” lanzadas ao mar por contrabandistas en apuros, auxilio de mariñeiros accidentados, perigosas travesías marítimas, animadas festas e tamén, épocas intermitentes de soidades (relativas).

Edición de Gloria Vilches

Julio Vilches 

(Valencia 1953)

Farero de Sálvora dende 1980 até agosto de 2017.

O libro é de todo recomendable, son 37 anos de oficio narrados en primeira persoa por unha testemuña de privilexio para poder comprender a vida dun fareiro e se cadra, a transformación da sociedade dende a atalaia dun farol alumando o mar e a terra ao seu redor.

Deixovos unha escolma de imaxes dunha travesía realizada en setembro do ano 2012 onde fumos recibidos precisamente por Julio, que nos convidou amablemente a subir até o alto do faro:

Julio Vilches na entrada do Faro

imaxes de Rafael Padín.



Para os que queirades ver máis imaxes do faro, deixo o enlace daquela xornada de setembro de 2012


BOUDEVARA: VERÁN II

Noraboa pola publicación do libro e até sempre.