MUROS 2009

Xa sabemos oficialmente que Muros vai a albergar o IX ENCONTRO DE EMBARCACIÓNS TRADICIONAIS DE GALICIA noraboa á candidatura gañadora e tamén os integrantes da candidatura de Vilagarcía. Outra vez será. Non era a primeira vez que Muros manifestaba o seu interese por albergar os Encontros. No ano 2005 con motivo da celebración do I Encontro Galiza-Eusakadi celebrado en Pasaia e organizado pola asociación Albaola, o concelleiro de cultura de Muros, convidado ó evento por un acto de irmanamento coa localidade vasca, manifestaba o interese de Muros por ser sede do Encontro do ano 2007. Finalmente esta candidatura non foi arriba, pero a idea sobrevoaba pola cabeza de moita xente de Muros, así en anos seguintes celébranse actividades relacionadas coa cultura e o patrimonio marítimo como as xornadas Muros mirando ao Mar (2006). Ben, agora xa é oficial e seguro que a travesía ate o porto de Muros dos barcos do norte e do sur vai ser espectacular. En toda caso a elección imaxino que non foi doada xa que Vilagarcía era unha "elección segura" por estar na Ría de Arousa e polos apoios manifestados (reseñable o compromiso do Concello e do Liceo feito público por Alvaro Paz, aparte claro está das asociación promotoras). Pero o caso é que os Encontros van por "primeira vez" para a Ría de Muros e así cúmprese unha máxima dos Encontros que é a divulgación e esparexar por toda a costa galega a Gran Festa da Cultura e o Patrimonio Marítimo de Galicia.
Por último felicitar ós votantes da enquisa realizada neste blog que acertáchedes ó manifestar a vosa preferencia e polo tanto vos imaxino satisfeitos.
Vémonos en Muros 2009