Hoxe por fin é venres, e imos pechar a semana como a empecei, con boas novas para os proxectos de cultura do mar de Cambados. Así o luns informaba do premio para a Web do proxecto Cambados á Beira do Mar, un proxecto coordenado dende Intramar S.L.

E agora venres, xa temos panel de información en pleno paseo marítimo de San Tomé para as actividades da Aula-Obradorio “Chasula”. Estos paneis son unha actuación do proxecto “Ruta da Cultura Marítima do Salnés” dirixido pola Fundación Comarcal do Salnés e da que Intramar forma parte, así como tamén Guimatur e outras moitas entidades que traballamos nisto da “Cultura Marítima” e do “Turismo Mariñeiro” (este último concepto non moi acertado pero tamén se emprega)

Despois pecharemos a Mesa Electoral da elección da Sede Encontro 2009 e finalmente porque “hoxe é venres”, mal que lle pese a Vinicius de Moraes, elixirei persoeiro da semana.