CAO

nota de prensa. Cao convidando ó presidente da Xunta a unhas filloas.
O San Froilán. Lugo 2008

Coñecín a Cao mesmo no ano 1999 cando empezamos a celebrar as reunións da Comisión Xestora da Federación na casa de Isidro en Dena. Aínda que non era membro da Comisión de xeito “formal”, viña acompañando a Paco Paxaro dende Combarro e para nos era coma un máis. Foi fundador da Asociación de Veciños “Boureante”, entidade socia da Federación antes da creación do Clube Mariño A Reiboa. Nos primeiros anos do novo século a buceta “A Boureante” e o galeón “Luisa” eran xa, coma agora, barcos que non faltaban a ningunha cita e eran das principais estrelas dos peiraos. O ano previo a celebración do V Encontro de Embarcacións Tradicinais de Galicia.Poio 2001, desprazamos o lugar de reunión da directiva da Federación ate Combarro, á taberna de Canducho, que nos preparou na trastenda unha auténtica sala de reunións con lareira e todo. Nesas reunións estaba sempre Cao, porque agora era ademáis membro da Comisión Organizadora de Poio 2001. O éxito da cita de Combarro foi tal, que o a xente dos bares, restaurantes, e mesmo do Concello, nos decía aos da Federación que aquela Gran Festa tiña que celebrarse todos os anos alí en Combarro. Ben, o caso e que en Combarro xa se viñan celebrado encontros de embarcacións organizados pola Asociación de veciños A Boureante, si a esto sumamos o exito do Encontro Poio 2001 e a experiencia e o traballo acumulado pola Comisión Organizadora do Encontro Poio 2001, entenderemos que foi doado pensar darlle continuidade a todo aquel tinglado (non confundir con tingladillo), parindo a Festa do Mar que tería como actividade central ós encontros de embarcacións tradicionais organizados pola Asociacións Boureante a agora tamén polo Clube Mariño A Reiboa. Cao tivo un papel determinate para que esta Fesa do Mar se convertese en pouco tempo na primeira festa en importancia de Poio, e a pesares daquel ano de augas turbulentas do 2006 no que o Concello e a Asociación tiveron ou seus maís e o os seus menos, todas as edicións foron un auténtico exito, iincluída a última edición do 2008.

Agora este “armadanzas” de Cao, sigue cos súa teima de recuperar tradición e cultura para poñer a disposición da cidadanía un modelo de respeto e identidade. Foi durante a edición da Festa do Mar de Combarro 2008 cando me contou todo o que están a facer na nova Asociación Cultural que creou para a recuperación de actividades e costumes (maios, muíños, cociña, ....), explicoiume o seu labor cos escolares e a asistencias a eventos de intercambio cultural. Impresionante. Así en portada de prensa das Festas do San Froilán deste ano o atopo nun posto de elaboración de filloas artesanais diante do presidente da Xunta. A algúns gostaríalle a cousa ó revés, a Cao de presidente e a Touriño facendo filloas, pero o caso e que Cao sempre está onde ten que estar, na loita e a pelexa pola cultura e un mundo menos plastificado e máis auténtico.

Saúde compañeiro e agardo por esas filloas.