Este é o texto de inicio da Web da Asociación Remadoira (Bouzas-San Gregorio):A historia do que sería nun futuro a Asociación REMADOIRA escomenzou na praia de San Gregorio en Bouzas (Vigo). Nesta praia, a uns tres metros do fondo soterrada na lama atopábase unha dorna de tope de 7,50m de eslora e 2,30 de manga. Esta é un tipo de dorna do que a primeiros do século XX se fixeron unhas sete sendo orixinaria de Cambados. Foi a derradeira mellora na construción da dorna e a primeira en desaparecer por mor de que nese tempo xa se escomenzaban a motorizar os barcos, e este tipo de embarcacións non permitían a súa motorización dun xeito doado.
Alguén nos dixo que porqué non tentábamos recuperala xa que era unha mágoa que se perderan este tipo de embarcacións. Así, dándolle voltas e voltas a esta suxerencia, escomenzou un proxecto longo e laborioso. Non foi unha laboura doada, xa que a dorna estaba en moi mal estado pero sempre mantendo a fasquía orixinaria do barco e despois de dous anos de duro e esgotador traballo, e non menos compañeirismo, conseguiuse remata-la dorna.
No hay comentarios:
Publicar un comentario