CONVOCAMOS ÓS SOCIOS DO CMS

A muller de Balboas varada en San Tomé.
Foto: Carlos Culler

Querid@s soci@s do CMS, o venres 12 de febreiro estamos convocados para dous actos:

- 1. Para a Asamblea Xeral coa seguinte Orden do Día:

CLUBE MARIÑO SALNÉS
Asamblea Xeral Extraordinaria
Venres 12 de febreiro 2010
20.00h 1ª convocatoria
20.30h 2º convocatoria

ORDEN DO DÍA

1. INFORME DA COMISIÓN XESTORA
2. ELECCIÓN NOVA DIRECTIVA
3. APERTURA NOVA CONTA OFICIAL DO CLUBE
4. DOMINIO WEB
5. ACTUACIÓNS 2010

- É previamente as 19.00h estamos convocados a unha Asamblea Informativa da FGCMF para as entidades da comarca do Salnés. Esta asamblea ten por obxecto en palabras do presidente Victor Fernandez:

“Un dos obxectivos da xunta directiva da FGCMF é o de mellorar entre os socios e directivos das asociacións o coñecemento de cómo funciona a FGCMF e que traballos está a realizar en beneficio de tódolos colectivos asociados. Por esta razón estamos iniciando unha serie de reunións entre os directivos da FGCMF e os socios das diferentes asociacións. Estas reunións estámolas a facer por zonas. Para a banda sur da Ría de Arousa ímola realizar o venres 12 de febreiro ás 7 da tarde en Cambados, nos locais da Federación. Lembrade que sobre todo interesa que acudan a esta reunión as persoas que non van ás asembleas e non teñen contacto coa Federación”.

Outras cousas:

- Mantense como lugar para a celebración da Asamblea do CMS o noso local social; se ben, como previamente imos estar no local da FGCMF, temos permiso da Federación para celebrar a Asamblea alí. Para a semana anunciaremos o lugar definitivo.

- Lembrade que é preciso a acreditación como socio para poder votar na Asamblea Xeral. Na acta da reunión do pasado venres xa falamos desto e de cómo facelo. Tede en conta que de momento non dispoñemos de conta bancaria polo que aqueles que queirades satisfacer a cuota de 20€ antes da Asamblea teredes que entregala á Comisión Xestora. Aqueles que de momento non o vaiades facer, tedes que comunicar a vontade de continuar no Clube e compromiso de satisfacer a cuota dentro do 1º trismestre deste ano.
cmsalnes@gmail.com
tfonos da Comisión:
Juan 670652397
Xaquin 626722143

- Tamén está aberto dende o pasado venres a inscripción de candidaturas para elección de nova directiva.

- Por último é posible que mañán nos xuntemos no local social para finalizar as labores de limpeza. Poñédevos en contacto entre vos para determinar a hora.

Saúdos a todos

Conta bancaria do CMS

Como sabedes, estes días algúns socios foron a ingresar a cuota anual de socio do CMS e recibiron con sorpresa que a conta estaba cancelada. Na reunión do venres consideramos que esta situación era irregular xa que era precisa a autorización da Asamblea e das firmas autorizadas.



Pois ben, falando co Banco, nos dín que a cancelación da conta obedece á pouca actividade económica da mesma o cal ocasiona un gasto de mantenimiento de 38€ anuais amais de cargar uns intereses de descuberto de loucura (inda por riba de facelos traballar pouco cobrannos máis).
Informándolles do malestar por non comunicar esta situación ó Clube e que o banco acordase unilateralmente pechar a conta sen importarlle nada do que diga o Clube, imos mandar tomar polo cú unilateralmente ó tal Banco Geral porque entendemos que en cuestión de pesos xa non nos queda nin Portugal, e eso que o lema deste banco é:
"lo nuestro son las personas"

Como dí a canción: "con estos majaderos no se hace cosa buena"

Por certo alguén calcularía os millóns que se envolsan os bancos polas comisións das contas abertas de axuda para Haiti?
Ala a buscar banqueiro, como non hai ningún bo, tentaremos atopar o menos malo.

E como non todo vai ser malo, onte disfrutamos dunha gran xornada de navegación con Gerardo da asociación Dorna Meca e co patrón e armador da Dorna Sara:


Dorna de Tope "Sara". Bordo pola Ría de Arousa


O Patrón e armador, Avelino Ochoa

Unha aperta a toda a tripulación dende Boudevara

ACTA DA REUNIÓN DO CMS

Onte á tarde como estaba previsto xuntámonos distintas persoas do CMS para proceder á limpeza do local social e despois celebrar unha reunión. As tarefas de limpeza como era previsible comezaron con retraso pero foron efectivas. As oito en punto comezamos a reunión que tiña por obxecto principal preparar a Asamblea Xeral que vai ter lugar o venres día 12 de febreiro. Como vedes cambiouse o o caracter da Asamblea polo de reunión, xa que algúns membros destacados do Clube manifestaron a súa imposibilidade de asistir.

Esta é a Acta da reunión:

Exposición de motivos:
En Cambados, día 29 de xaneiro ás 20.00h, reúnense no local social por petición dun número significativo de socios para tratar a situación de irregularidade na que está a Asociación e que resúmese no feito de contar cunha “directiva en funcións” pero non ratificada pola Asamblea Xeral dende o ano 2005. Enténdese directiva en funcións xa que non se convocaron eleccións de nova directiva cada catro anos como marcan os Estatutos e polo tanto enténdese que se prorrogou o mandato da actual directiva de maneira totalmente extraoficial. Esta situación polo tanto transitoria e irregular é un dos obxectos principais que se pretende corrrexir coa reunión de hoxe para devoltar ó Clube a unha situación de normalidade estatutaria.

ASISTEN:
Como socios antigos (*): Juan Martinez Cacabelos, Xaquin Cuíñas (secretario en funcións), Rafael Padín, Bruno, Alejandro Acha e Xurxo.
Como novos socios: Ademar, Milena, Xixo e Isa
Non asiten por distintos motivos os seguintes socios: Fernando Piñeiro (actual presidente en funcións), Egidio, Oscar, Roni e se ten constancia de outros 3 socios que tampouco poden asistir.
(*) socios con cota pagada no ano 2009

ACORDOS:
1. Nomear unha Comisión Xestora integrada por 4 persoas por un período até a celebración da 1ª Asamblea Xeral do ano 2010 e terán as seguintes funcións:

- Elaborar un informe sobre a situación do clube
- Custodia dos documentos da asociación e traslado ó local social

O contido do informe abrangue: estado contable, deudas con socios, patrimonio do Clube, situación coa FGCMF e actividades desenvoltas nos últimos anos.

Se propoñen para integrar a Comisión Xestora ás seguintes persoas:
- Juan Martinez Cacabelos
- Xaquin Cuíñas
- Rafael Padín
- Bruno

A proposta é aceptada unánimemente polos presentes. Asimesmo, informados por teléfono da presente proposta a outros socios, en concreto a Egidio, Oscar e Roni, manifestan o seu acordo.
Tamén por email, o actual presidente en funcións Fernando Piñeiro considera “correcto” a creación dunha Comisión Xestora se ben expresa matizacións noutras propostas que se irán comentando nesta acta.

Non se chama ós 3 socios restantes por non dispoñer do teléfono nin outro medio para comunicar a proposta.

Finalmente a actual Comisión Xestora enténdese que terá que traballar en colaboración co actual presidente en funcións para resolver o proceso de normalización e traslado de documentos, xa que na actualidade a totalidade dos mesmos está baixo a súa custodia.

2. Acórdese por unanimidade á convocatoria de Asamblea Xeral para o día 12 de febreiro de 2010 co seguinte Orden do día:

- Presentación informe da Comisión Xestora
- Elección nova directiva
- Propostas de actuacións 2010

3. Ábrese o prazo para a presentación de candidaturas para elección de nova directiva que deberán comunicarse á Comisión Xestora.

4. Acreditación de socios:

Terán a consideración de socios de pleno dereito con dereito a voto os seguintes socios:

a. Os que ingresen a cota de 20€ na conta bancaria do clube ou entreguen esa cantidade á Comisión Xestora que fará de depositaria até o ingreso en conta bancaria.
b. Tendo en conta que se aproba abrir un prazo de xaneiro-abril para o ingreso de cota, terán tamén a consideración de socios aqueles que teñan pagado a cota do ano anterior e manifesten a súa vontade de pagar a cota deste ano. Ese compromiso deberá facerse constar ante a Comisión Xestora ou no correo electrónico do Clube: (cmsalnes@gmail.com).
c. Tendo en conta a petición de Fernando Piñeiro de que se acrediten como socios aqueles que navegaron o pasado ano baixo as siglas do CMS aínda que non pagasen a cota anual, acordase que tamén son socios de pleno dereito se ben deberán acreditar ante a Comisión Xestora o pago do seguro de navegante da FGCMF do ano 2009 e manifestar por calquera medio a súa vontade de continuar como socio do CMS e a súa vontade de satisfacer a cota do presente ano.

5. Conta bancaria do Clube

Tendo en conta que se considera irregular a cancelación da conta bancaria na Caixa Geral de Cambados a Comisión Xestora tentará reabrila ó longo desta semana.

6. No remate da reunión e no apartado de rogos e preguntas se comunica ante os presentes unha candidatura para a elección de nova directiva integrada polas seguintes persoas:

Juan Martinez Cacabelos, Rafael Padín, Roni, Xurxo, Bruno, Alex Acha e Xaquin Cuíñas, este último manifesta que ese compromiso sería en calidade de secretario e por un período de tempo limitado até a normalización do Clube manifestando o seu desexo de cumprido o obxectivo dimitir do cargo en aras de propiciar o relevo e concluir o proceso de renovación.

7. Por último, todos os presentes se amosan ilusionados co novo perído que se abre para o Clube e manifestan o seu caracter aberto e conciliador, amosando o seu agradecemento ás persoas que fundaron ó Clube e o levaron a ser un referente dentro co colectivo da FGCMF. Asimesmo dan mostras de estar convencidos de que todos os socios van a continuar na nova singradura con independencia de cal sexa a candidatura gañadora no proceso electoral de nova directiva e estarán a altura que requiren as circunstancias para que o Clube Mariño Salnés volte a ser unha asociación de vontades que traballan conxuntamente para dotar a Cambados dunha entidade destacada no eido da cultura e o patrimonio marítmo.

Por último, e mentres o CMS non teña blog ou web oficial autorízase a Xaquin Cuíñas e ó blog BOUDEVARA para facer pública esta acta e comunicar a convocatoria da Asamblea Xeral do día 12 de febreiro do presente ano.

En Cambados a 29 de xaneiro do 2010

Xaquin Cuíñas
Secretario en funcións

ASAMBLEA XERAL CMS

Foto: Carlos Culler

Mañán venres o CMS cita ós seus socios a dúas actividades:

1. As 17.00h limpeza do local social
2. As 20.00h Asamblea Xeral

Aquí vai a Orden do día da Asamblea:

CLUBE MARIÑO SALNÉS

Venres 29 de xaneiro 2010
Hora: 20.00 h
Local Social
Convocatoria: petición de socios


ORDEN DO DÍA

1. ELECCIÓN NOVA DIRECTIVA
2. TRASLADO DOCUMENTACIÓN DO CLUBE Á SEDE SOCIAL
3. APERTURA NOVA CONTA OFICIAL DO CLUBE
4. ESTADO DO PATRIMONIO DO CLUBE
5. SITUACIÓN COA FGCMF E NOMEAMENTO REPRESENTANTE
6. ACTUACIÓNS 2010

Outras cousas:

CAMPAÑA CAPTACIÓN DE SOCIOS: este ano iniciamos unha nova campaña de novos socios. Así que todos os interesados podedes mañán mesmo colaborar nas labouras de limpeza da sede social (baixo da escalinata de San Tomé). Tamén poderedes asistir a Asamblea para formalizar oficialmente o ingreso e coñecer ós socios actuais.

Longa vida ó CMS

Salgadoiro de queixo e mozzarella

O pasado 2 de xaneiro de 2010 presentouse nunha taberna cambadesa a primeira novela de Exidio Cuíñas, nome artístico do noso Xaquín, jefaso-fundador deste blog entre outras cousas. Esta primeira publicación sea á rúa baixo o selo de Todogrove Edicións e relata a historia de Juan, un personaxe que “é unha persoa normal, pero que non se dá atopado no mundo, sumerxido no desconcerto, que se ve desbordado polos acontecementos e que toma unha decisión drástica de transfiguración, emprendendo unha viaxe para buscarse a si mesmo”.

Á presentación asistiu numeroso público, formado por amigos e familiares, que quixeron arroupar a Xaquín no momento de sacar á rúa esta súa primeira novela. O acto tivo moito de orixinal, xa que contou coa participación dos membros da Escola Municipal de Teatro, que se caracterizaron como personaxes da obra, chegando incluso a respostar en primeira persoa as preguntas formuladas polo público ao autor.

Ao remate a maior parte dos asistentes mercaron un exemplar do libro e achegáronse a Cuiñas, que pasou un bo cacho asinando libros.

“Salgadoiro de queixo e mozzarella” atópase á venda en librerías ao módico prezo de 12 euros.

A noticia noutros sitios da rede:

Todogrove.com

Faro de Vigo

La Voz de Galicia

XornalGalicia.com

Unha Grande Chea

BO NADAL

Postais: Delia L. Piedras

PERSOEIRO DE DECEMBRO

Galeón de Sanxenxo, galeón "Novo Sofía" e trincado "Ría de Ferrol"
Embarcadoiro de grandes barcos. VII Encontro. Cambados 2005

Como ben sabedes, este mes está adicado á persoa de Sir Cesar Bedoya. Se ben, o agraciado con esta distinción se ten posto en comunicación coa dirección deste blog a través dos medios pertinentes nestes casos, esto é, por valixa diplomática, para solicitar a revocación de tal nomeamento e distinción. Polo cal dende Boudevara facemos saber o seguinte:

1. Consideramos un caso insólito a aptitude do susodicho persoeiro.
2. Non foi a nosa bárbara intención sureña acometer semellantes aldraxes na persoa do susodicho que xustifiquen tal decisión.
3. Eu non teño nada que ver co desafortunado caso da escada do Ría de Ferrol.
4. Lino tampoco.
5. Como Fraga rompeo en pública asamblea de AP a carta de dimisión de Asnar, nos tamén por non ser menos, imos deixar sen efecto o manifestado polo susodicho Sir Cesar Bedoya, xa que temos en conta que a certas idades cando se di unha cousa en realidade quérese dicir o contrario.
6. Tendo en conta o caracter retorto do persoeiro de decembro, consideramos que está dentro do caso analizado no apartado anterior.
7. Propoñemos ademáis, que igual que o facho romano da cidade de La recibe o sobrenome de “Facho de Breogán”, o Montecuruto pase a denominarse a partires de agora “Montebedoia”.
8. Para a recuperación písica do avenzoado Sir, propoñemos unha dieta máis intensa en bacallao e unha visita máis continua ós loureiros.
9. Tendo en conta a metamorfose católica do deceado ferrolano, propoñemos unha pronta calificación de beato para a persoa de Sir Cesar, xa que consideramos de todo certa a máxima de que “non hai mellor beata que unha ramera arrepentida” (disculpen os rameros, romeros e romeras).
10. Por petición do, a partires de agora beatificable en funciós Sor Cesar Bedoya, pasamos a publicar integramente a súa desestimada petición:


Meus Queridos Srs.:

Tendo coñecemento da nova, publicada no Xornal que tan dignamente vostedes dirixen, referente ao nomeamento de PERSOEIRO DO MES e recaendo tan distinguido cargo na miña persoa, non podo menos que agradecer ó xurado tal inmerecida distinción e dicirvos que reverto de fachenda e cáeme pola perneira abaixo cal caíalle a cachondez a Raíña Católica aseghun os nosos investigadores e mais etnógrafos.

Mais non é menos certo, como din nos xuízos, que dentro da miña vanidosa, egocentrista, narcisista e inhumana modestia, virtudes todas estas como ben dicides miñas do pasado pero que aínda non teño totalmente arredadas a pesares do meu esforzo e penitencia, dentro desta humildade, resaltarei uns feitos que foron transcendetais na miña vida e deixaron unha fonda pegada na miña persoa:

Na celebración dos VIII Encontros celebrados en Ferrol, confeso que quedei moi mal da miña estructura písica esa, xa que fixestedes-me coller grandes espranzas na presentación da miña candidatura á BEATIFICACIÓN por medio do insigne Embaixador no Vaticano o ex Alcalde de LA, todo esto como paso previo á miña santidade; pois ben, a miña decepción foi tan grande que aínda os millores retelladores de Ferrol non me dan retellada a miña cabeza, polo que as veces, poderedes verme actitudes estrañas que fan que me recolla en Montecuruto. Seguindo coa mesma humildade, direivos que os
traballos da comision de candidatura, non tiveron o empurre que puxéchedes por exemplo, no facho ese que uns chaman de Hércules e outros de Breogán.

Xa que estou en confesión, dicirvos tamén, que outra das fendas producidas a min, foi cando despois dunha dura navegación al Alba con vento fresco de Catoira polos procelosos mares, arribamos eu e outros compañeiros, no mar desa terra que edita o xornal ao que me dirixo, terra que acollía o VII Encontro; pois ben, fómonos do peirao sen a escada, que con tanto agarimo construíra Lolo o Chapas na viaxe, tan apreciado trofeo pendulará nas vosas cabezas na eternidade.

Para conseguir o meu perdón por un feito tan reprobable, direi que me prometichedes a presidencia da Federación, e dixechedes que era o golfiño do gacetillero ex presi Xaquin. Fixen os cursiños precisos e merquei casaca e garabata, unha vez máis decepción, a presidencia foi para un Piñeiro que se cadra é membro do Xurado.

Unha vez relatados os feitos históricos que en certo modo xustifican as miñas conductas e posibles maldades e como estamos no mes ese da redención, dígovos que aínda coa grande doenza que me produce, non podo aceptar tan grande distinción, polo que pido me escuse o xurado formado case na totalidade por Bárbaros do Sur, que non lles treme o rato do Fotoxoouu ese, (penso que chamadeslle asi os gacetilleros locais nas vosas secciós do coraçao), azoutando na miña intimidade e no digno traballo de lampacear con lampazo. Non podo, xa que considero que é a titulo póstumo; e tamén pola mala concencia que tedes, polos aldraxes cometidos coa miña humilde persoa:
crede que para min non é unha decisión doada, xa que me facía ilusión compartir púlpito cun compañeiro como Baraja Obama o Moreno das Americas ou co compañeiro Joao Baptista e o Sr. Pelouro o astronomo de Ons, estes últimos da nosa Gallaecia.

Cos meus saúdos e escusas prégolles a publicación no Xornal que tan dignamente vostedes dirixen.

Cesar Bedoya Demo do Socorro
Montecuruto
Reino de Galicia
13 do 12 do Noso Señor