E-MAIL QUE EU LLE ENVIO

En relación coa dorna de Tope Belida:

Na asociación de Cambados (Clube Mariño Salnés) tamen recuperamos unha dorna de tope (A Muller De Balboas) pero o proxecto orixinal era facer unha réplica de dúas Dornas de Tope que se fixeron no carpintería-estaleiro de “Alvarito” no Pombal (Cambados).

Estas dornas foron feitas para o Sr. Rá e para o Encarnadito (aínda vivo). Caracterizábanse por ter máis puntal e ser máis veleiras que outros modelos. Os planos destas dúas dornas (tan só se fixeron estas dúas porque para os mariñeiros eran moi veleiras e de menor capacidade para o traballo) foron feitos por Egidio López Padín (modelista naval do Museo de Pontevedra no seu tempo e ademáis meu abó), e o traballo de carpinteiro por Alvarito “Lalo” (primo de meu abó). Despois de buscar por todo Cambados as pistas dos planos (esa é outra história) renunciei a continuar coa teima e falei con Pepe Garrido (Asteleiros Hijos de J.Garrido. O Grobe) para montar un tinglado dentro da FGCMF que se chama “Desafío A Tope” (a Peza de Rabo e a Lavanqueira son deste proxecto).

Algún vello de Cambados decía que unha destas dornas morrera no recheo de San Tomé e outra fora para Vigo e sabe Dios onde iría parar. A 1ª vez que vin a vosa dorna (e antes de saber que unha das dornas fora para Vigo) pensei que esa dorna tiña as características das de meu abó e lembrei todas estas cousas pero eu xa estaba noutras lideiras. Pero agora vendo a información da vosa Web penso que a vosa dorna pode ser a do taller de Alvarito de Cambados, quizás non pero sería interesante estudialo. Saúdos