A Chouva intres antes da botadura. Cabodeiro. Illa de Arousa 2000
Navegando cara un soño.
O CMS iniciou o século vogando con forza e o corso durou moito tempo.
ano 2000: chega a primeira dorna para o Clube, a “Chouva”. Esta dorna foi feita na Illa de Arousa arredor dos anos 50 e eu merqueilla ó cura de Vilanova que a tiña afundida no peirao. Restaureina na Illa de Arousa na do “Cubano” e despois leveina para a praia de San Tomé (Cambados). Foi o primeiro barco en representar a asociación naquel ano 2000, en Viana do Castelo, en Douarnenez 2000 e na I Xuntanza de Embarcacións Tradicionais. Cambados 2000. Aquelo ía collendo forza e tamén corpo e polo club sopraban os mesmos ventos portantes que turraban da Federación. Aquela Comisión Xestora saída de Rianxo comprometeuse nun principio a traballar na organización da expedición á Douarnenez 2000 e despois xa veríamos. Para este cometido xuntáronse á comisión outras persoas como Víctor Fernandez de Mariñeiros de Bouzas ou Oswaldo Dávila de Sodináutica, pero outras moitas persoas que aportaban o que podían, os nomes eran o de menos, eran tempos de traballo contra o reloxo e toda axuda era de proveito. Un día tivemos que asinar un documento oficial (durante meses asinábamos como Comisión Xestora-FGCM) e houbo que elixir ó representante da Comisión, Trepa colleu unha moeda e lanzouna ó aire, ti cara eu cruz. A sabiduría do azar foi providencial porque dende ese momento Trepa asumiu con decisión o temón daquela nave que medraba e se adentraba en mares complexos. O caso é que Douarnenez foi todo un éxito e conseguiu xuntar de novo ó tecido asociativo galego cun rumbo común e sobre todo prendeu de novo a ilusión.
Aínda con folgos, nada máis regresar de Douarnenez, o Clube Mariño ten a ousadía de realizar a I Xuntanza de Embarcacións Tradicionais de Cambados aproveitando que o groso da flota de barcos desprazados ate Bretaña ían descargar en Cambados. O soño facíase realidade.
Pouco despois ven para Cambados unha dorna mercada en Aguiño, a segunda dorna para a asociación, a Fungona, que aínda que era de propiedade particular, igual que a Chouva, representaban ó Clube alá onde ían.
Rematada a Xuntanza de Cambados Paco Paxaro e Isidro Mariño comprométense á construír a primeira Dorna propiedade da Asociación, “A Julicheira” con axuda económica da Consellería de Pesca e que tería que botarse con motivo da celebración do V Encontro de Embarcacións Tradicionais de Galicia. Poio 2001
A Julicheira en terra de Lemos. 2005
Mañán máis
No hay comentarios:
Publicar un comentario