![](https://blogger.googleusercontent.com/img/b/R29vZ2xl/AVvXsEh85jF0rXiI9JNbWTz6QZ-Ookr0VbAQUCyWonYP5qUrmBQkWMu17UvVwq3mhx91Qln3lw1RPIBiVDAOZYZ0B6SCWa0sbAZ6dXtFkxaDAbIZH4HoIBIEFC__mZqHDuLwZH7361RmxZQCAyLB/s320/mui%C3%B1o-seca1900.tif) |
Muíño de mareas. Tragobe |
Vai a terceira e derradeira entrega de imaxes antigas de Cambados. Certo que vai tarde e despois dun longo período de tempo sen actividade no blog.
Eso non quere decir que estemos parados, pero os traballos de preparar as embarcacións do Clube Mariño Salnés e máis o RANA, ocupan o tempo libre, sobre todo cando temos moi perto o XI Encontro de Embarcacións Tradicionais de Galicia que este ano acolle a localidade do Freixo. Imos aló:
- Embarcacións Tradicionais:
![](https://blogger.googleusercontent.com/img/b/R29vZ2xl/AVvXsEjkxGx2KJ8eV-Q__aeZ8r25vI0MHRwy0D8b-x_cCkDpsriDqfXU6_NLy-thhNWkkFssVLzqrE_rdYqN6XwpJy8nWirggvcXGVjidyiJJMopkFv27JkGT4rhDUHQ-olVDYC2UTnLojW3nb_v/s320/MUELLE.tif) |
Muelle de Cambados |
Xa comentamos moitas veces neste blog, que en Cambados as dornas polbeiras eran máis ben escasas, e que a flota da pesca artesanal estaba formada sobre todo por dornas mecas, lanchas do xeito, racús e dornas de tope, sendo cecáis a gamela a tipoloxía máis propia dos portos de Cambados. Eran gamelas grandes, de ata 8m de eslora, aparellaban con vela latina e se empregaban tanto para o marisqueo a flote cos raños, como para a pesca de liña e artes menores
![](https://blogger.googleusercontent.com/img/b/R29vZ2xl/AVvXsEinDVZLNX5V4vRnWYs79-jHenq4DXdqadTdw5RVgADwwRXrr9oHGauzM_pyMuHt4lkz6w-daUS4z8a80YlMf3mKTlMxw9PRyUpEl0-jYUnb7xwoTuIOPaCDpE-kUOgNDZYvn9YKIetxdEes/s400/DORNA-VELA.tif) |
dorna de escarva |
![](https://blogger.googleusercontent.com/img/b/R29vZ2xl/AVvXsEiAZhJjUGSjPu4_3fOgQcBb5Ph-0CG5sQNqB6V3TWG3zuJiRTwOI_AVZh3szFKM1Nm6uWkWX9cbjYlVWQohY4NSBNHgmP_EYbaNGCivgutxNMJaJJpKPAac_NHV_4fqq4s2RZ-8mSsju_Oe/s400/DORNA-VELA1.tif) |
Aparello en cangrexa |
![](https://blogger.googleusercontent.com/img/b/R29vZ2xl/AVvXsEi1jZXIeIpzdvWGV_xkq-ph0Z1a79eDphw8c-UcZfkM6l4jZx1Md2V6o11vVWN0O0k1tVKa50NHQq2S7_AMg8aqhOZGQYq2wwMFYVZTg4HzO9HqtYYdwpX-RxH-nkZsC_qe3_KCGa_cCWp4/s640/borron-pr.tif) |
dornas mecas varadas no Borrón. |
![](https://blogger.googleusercontent.com/img/b/R29vZ2xl/AVvXsEh9ulK927AvwtrPSA-J-ZYxkAZl8oRE3IeB1a5Ewa8UmjebPqw2U272sFH9QD76h2xL4YULtebuMKJNAgcbbD6v-8gYmL5Wu1OkaDra7ue4xBJvsL5LHLBeeKaLuZnVsoafz9vQx7zkA3zd/s400/dorna2.tif) |
Gamela. Aparello en latina con martelo | | |
![](https://blogger.googleusercontent.com/img/b/R29vZ2xl/AVvXsEj3y0JCSO3xRHIduUh0laU3z__P295xRz9xxlVOfvZigs7sTHObA1sjYPrBOfH_8Kx7lJ073DhBJEm3U7IXHoiZ1TdkMbxV-9whRW5RjZecZYvD0AUpksgvGBG-BtllJYrnAy9aj5t40N6T/s640/rastros1.tif) |
Gamelas ao rastro antigo |
Daquela xa se facían regatas, a remos e a vela, sobre todo coas dornas de tope e máis adiante cos "loritos", unha variante da gamela moi lixeira, con pouca manga e moi afiada de proa. Sen esquecer os botes a remos que derivaron co tempo nos bateis e traíñas da Asociación de Remo "Vento Mareiro" (hoxe desaparecida).
![](https://blogger.googleusercontent.com/img/b/R29vZ2xl/AVvXsEjJcoeglbkLxjeNC1igRx6qM4NwTYERax7SfIOk00x082No46gdgu1XuxHy9qrQpMyRRE0DibGJh_dFyN_GldKs3JyotBao8K7gmWhIwTQjXJEool02qXAyDssh6euCg753HrIZ1SBmYjTZ/s400/REGATA1.tif) |
bote a remos |
![](https://blogger.googleusercontent.com/img/b/R29vZ2xl/AVvXsEiHo7wBvMg2ClgCMTdkcuZfQHAkLeITE8LNOKsGxP2a1w1xeEXuqWi6Vr-rlRvNP_vaszc5IuPza6AFwbf58tgqoW7txGQqHjj-70IyA6cAp_PK3Q4eHBEGJC6GWJGcouBK8WWMU7Zir7dU/s400/REG-BELLBER.tif) |
Imaxen de 1910. Foto J. Bellver |
![](https://blogger.googleusercontent.com/img/b/R29vZ2xl/AVvXsEgDw4ryZVIDw1Eo8vFuv9u3aatOtttOIqJS9hNUFTbLSkMqHNDbTjh7BR72iqfBnPp9geOWSxq2ylO_P32PoSSk89tfedsMLL-H0p3M76Uh7XwjU5VDMzA7o3wkHo5lVkd7IwR-k9WbinDr/s400/reg-dornas1900.tif) |
Regata en 1900 |
![](https://blogger.googleusercontent.com/img/b/R29vZ2xl/AVvXsEgEDdhk2ipxty6UuwY8UIhObc7F24w0zmENYJ85aqF6zWoVAMOg_rMBN00TNGO2BURDEhwkdPfTUha-_xsdHeryRm9aVUVFnwAt71-yKX-PKSWplduRAEgz2riX_vt6E_GoC-uGgXZHuwd9/s400/dorna-reg.tif) |
dorna de tope |
Detalle: Das regatas de dornas de tope, os mariñeiros de Cambados lembran ao Joven "Banderas", un mítico mariñeiro cambadés apaixoado polo mar e a navegación á vela. Competía cunha dorna feita en Cambados no antigo asteleiro de Alvarito situado no Pombal e que no seu momento foi motivo para unha entrada neste blog. (enlace: http://boudevara.blogspot.com.es/2009/10/balandros-de-cambados.html).
E como todo se hereda, hoxe, o seu bisneto, Juan C. Martinez Cacabelos é o presidente do Clube Mariño Salnés.
![](https://blogger.googleusercontent.com/img/b/R29vZ2xl/AVvXsEiRtHG8QXnesnh_HmiqhyphenhypheneMPp4BJ4MT8kMFTcf3VFOh8QZ8jspRhVvnknpQMToaWQG_lixs_htGW4LzUKbASiugre7wkTu7cvZ0n34dHQY2lzXte0Sfdmhu132wxlQw7Py2CdGClosgGAJR/s400/cube1.jpg) |
Juan Martinez Cacabelos "Cubeiro". |
E Cambados tamén tiña os seus galeóns, dos que xa falamos noutras entradas,
E tamén as motoras ou tarrafas, a maioría feitas precisamente no Freixo, sede este ano do XI Encontro de Embarcacións Tradicionais.
![](https://blogger.googleusercontent.com/img/b/R29vZ2xl/AVvXsEjtjH97Pz3Gzdg6JxZm5rYfOCdjosOIpXwhIqpaKwoXQJeytntUunO3oyelhFufXHkF5oUI-bAWEQQTdjnp_2Afq970KmbSUavHM1FwVWD0KBxryv3-D9J3qvTaulz_UCIS46LhWKAM-rdZ/s640/MU-STO.tif) |
Motoras en San Tomé |
Falamos de tempos en que Cambados era unha potencia na producción de ostra que se criaban en grellas colocadas no banco marisqueiro do serrido. tamén chegou a haber moita batea de ostra, máis hoxe case son unha anécdota e o monocultivo do mexillón ocupa parcticamente tod a actividade miticultora.
![](https://blogger.googleusercontent.com/img/b/R29vZ2xl/AVvXsEgb0-bYd4q6rO6MJSmPl9UG3WX0uHlPmYjSIFdVJKEbO-7lVlHmPZZNKjdeI8me5AP4G9yeZheR2Yt4mJ5-T_mGakMU0CAzkMosk9Xr-K28sNk8iRr4dNpePxIT70VODsnSYry8ITqoLF7M/s400/OSTRAS70A.tif) |
O Serrido |
![](https://blogger.googleusercontent.com/img/b/R29vZ2xl/AVvXsEgGqpaxEAzmmVNVzNINid4CuMLrhSRvsQ-CheUfZ9yhJK_xR9g5GZFRrU1rDS4L77Uln5vr71fc3LjNJltwJKs5sERUYxhyphenhyphengN4PtuGu7V-uzVQSrRNIgOqAe223eBAle4n8WPk2hiN3UcrP/s400/OSTREIRA.tif) |
Ostreira |
![](https://blogger.googleusercontent.com/img/b/R29vZ2xl/AVvXsEg3u-2LBtOv-jRa59TiYQB_0bs1InlQSDu0v8VFErL-R9YParOibpf4Q8p2s6c_9ZPwV7S6bbBHkB5ae066YNWcZt6a39rBqDsQGhA8OO3bsy0PfxA0xyMj9zkgN1I1VXUXo6IznO5rLpDh/s640/ostras-50.tif) |
Ostras da conserveira "Guau" |
Eran os tempos do peixe seco, e como curiosidade, Cambados tiña a súa Casa de Baños no Pombal, onde se facía todo tipo de tratamento con algas, lodos mariños e auga do mar, é decir, o que hoxe coñecemos como talasoterápia.
![](https://blogger.googleusercontent.com/img/b/R29vZ2xl/AVvXsEjG4Bw994VAPc5sgDzvpvIPcqk6JBo4uxqbstUet_-qqts7Vh26zlhdSt6yumwHW0NpfDhVk8HQNy7qKC14Gbhj5lnJfOh2SIzATNnTM5yRdcuLYJKCGuR9xp-zSuWpky3rUViuG-bOXp9i/s400/PEIXESECAR.tif) |
peixe a secar |
![](https://blogger.googleusercontent.com/img/b/R29vZ2xl/AVvXsEh0dLbH5WtU4mKAEUxakbqSASRsV8PlyysO5gnDCVYTZUb7r7vmDl84HjnWTj0aaivgJhsUhVed9qGvdCyFq4xfk4Ppm9InKgles7d4tAUMSHzjilbv7YsHEOAsxxgw9Pi_htaX0MxzaJty/s400/MOT-CASABA%C3%91OS.tif) |
Casa de baños. O Pombal |
E se tivésemos que escoller algún simbolo do Cambados mariñeiro, a patela tería que ocupar un lugar destacado polo seu significado:
![](https://blogger.googleusercontent.com/img/b/R29vZ2xl/AVvXsEipQIy8r4Cg-quTBnOrFA32cc-LkbN5ZhmmzqONmrMv_SNxNKUXHoeJVVkd818Y_iwZ8XLb4MQ1FGCUUmyVpWFIjvDjz1_tA5-d2Ki2E5L7ZcZa1IlCtxM_kCcI_pK1SuFSGlYpF6finOeC/s400/peixeiras1940.tif) |
Lavadeiro. Muelle de Cambados |
![](https://blogger.googleusercontent.com/img/b/R29vZ2xl/AVvXsEiEZdp3llvFTqMpy3CrLj8wry5xg2iYaDRd6Q-9T4KW-dj-FQXarVi3_QhvOM8UjjzMTM1gxBaYGv8oAjPCWnDiQwUtimeIMxz70XpbclTxCdJS2F_u7GPzYfvCIhw7x6AFJ1Qbg4aYY5Ue/s400/peixera-fef.tif) |
peixeiras | |
![](https://blogger.googleusercontent.com/img/b/R29vZ2xl/AVvXsEgpGTzawiK2VujMhA4UKExUYzQf-alhZZu50J_BdR3cF26HO3aPys6alOCQWo95dOmHArTuLSOnLbGxc5PN9xXxvrtM_AFLUnF5-5kPC76D0N_F-fTkc3x-2ddahp3I4hJmqz9x_mVMyZyT/s400/mari%C3%B1eiros.tif) |
O quiñón |
(
Enlace: baile tradicional da danza das patelas:)
remate:
En fin, un andar mariñeiro pola historia dunha vila de fondo de Ría que "durme deitada ao sol á beira do mar", como di o famoso poema de Ramón Cabanillas. Unha vila que viveo e segue a vivir do mar ainda que moita xente non sepa distinguir unha gamela dunha dorna, pero para eso están as asociacións e os blogs, para que non se esqueza.
Mais, se envellecemos xuntos,
se recorremos o vieiro da vida paso a paso,
mirarei nos teus ollos o esvarar do tempo
inorde como un barco.
do poema "Se envellecemos xuntos".
Xulio López Valcárcel
Arquivo fotográfía: Confraría de Pescadores "San Antonio". Cambados
3 comentarios:
Fermosas historias, amigo Xaquín, faste de rogar, pero sempre paga a pena a espera! Bicos!
Gracias Andrea, a túa visita sempre á tan agardada como agradecida. Achuchóns multiples.
Preciosa entrada neste blogue,noraboa....Ah! o meu avó era tamén "cubeiro" de Santo Tomé....
Publicar un comentario