![](https://blogger.googleusercontent.com/img/b/R29vZ2xl/AVvXsEi-BakAn5p0ewn7We6pb4POx2deWGChcGKzGQti_zQAaSXwHbMFA9qKcihO-9tAPMu41Ct6swAXN-vjpqWXqQ0kzWE3rQjcIxrYZrVxesiXzY9-G8tUxKLqM8hWmKA7KurAKyZO-bpCFX7l/s200/juli+012.jpg)
A Julicheira non daba collido o sono e imaxino que andaba a soñar cunha praia chea de barcos e velas de tipoloxías irmáns.
![](https://blogger.googleusercontent.com/img/b/R29vZ2xl/AVvXsEiAhhJGsfwoH71Km1FP2J86VKslJULzJ52_C4EGmDd1jf4c-sijZbk6q1yjfr0GO3xxUQNIQUVML2dgT5mKysfuNkp_GDDloY3bNKXD-P6EpKnr5I3y-hnBBKIcwjVxbjVLvHxZMPF7u6G2/s400/juli+023.jpg)
A Julicheira en San Tomé
![](https://blogger.googleusercontent.com/img/b/R29vZ2xl/AVvXsEgq63_AsBSU67ppzCUbu934_Tu_4Oqnv5EpPlg-XTAnHHkJdrmG4OILGmqNAt0T5TBU_vKXCwrLq9hqgqQeswODR1j_XDivwAtkVDH8a7DzOcwOUHeVuL5rseoDKYRI_oios1C-2rGFPaoH/s400/juli+032.jpg)
Dorna "Nerea" da Asociación Calmoseira de Cambados, á carón da Julicheira.
Pola mañán, reunidos na sede social, recibimos a chamada de Lino Prieto (Amigos da Dorna Meca) anunciando a cancelación da Regata dos Faros do Grove por mor da previsión de fortes ventos do norte para a tarde. “Un pao” porque a Varada quedaba seriamente condicionada, tanto polas previsións de vento como pola cancelación da Regata, o cal impedía a realización da Travesía Grove-Cambados. De inmediato tomouse a decisión de manter a programación conscientes de que as cousas non ían sair como agardábamos, pero a xente viña preparada para navegar e as caixas de sardiña que nos dou a Confraría agardaban na neveira xa co sal.
![](https://blogger.googleusercontent.com/img/b/R29vZ2xl/AVvXsEiPKOO_8rzmqkK92CvyCKQTR_S67VErFgcnc-iydjO6RFFTTkbBtfU4pO9zhTwnWxRMvQwW9jCq_Zqbf6FS06o11DfmItTmW3utP2BFB1AXPX4RcXe9qRgUyuGTGftKV1BHDQdnlewEEAhg/s400/17072010528%5B1%5D.jpg)
Preparando para sair
Así que decidimos deixar a Julicheira amarrada e formar tripulación única na Muller de Balboas para disfrutar dun día de navegación. Sen rumbo fixo, saímos a dar bordos pola Ría: primeiro a Carreirón, despois ó Rego de Alcalde, seguidamente ó Bao para pasala Ponte da Illa, despois viñeron os bordos cara Vilanova e o Seixo, e finalmente parada en Vilaxoán que será porto de Encontro para o ano que ben.
![](https://blogger.googleusercontent.com/img/b/R29vZ2xl/AVvXsEg95qqVnTnUmMw1ENGyVtR6Cz6KZY7HQaCXSWKMUMxfVWv8rmWfVRMtznDaIWvCbbGv9xjG3WphoDw08pMjr1h0x-sx4Zw_7n7-h60VvJXzSGHy92GF_rxycojdSb5_5HatZOmE9QDN7Lj6/s400/bordo2.jpg)
Tres en liña
![](https://blogger.googleusercontent.com/img/b/R29vZ2xl/AVvXsEgWf90KmtN-5G6rtFcf-Vfjm4frE7nKN6mnGCVGSb0t5YrIKrSyC6Ui_NzwLRC3JkpHeLweKEZlx5JJamSI1pgbWbRncd6sQDQdYKqConJPxCCjFVNDnEASnkpbOEjScvRX59psyIQVpDcf/s400/bordo3.jpg)
![](https://blogger.googleusercontent.com/img/b/R29vZ2xl/AVvXsEhK8W1AKHjD9Ss2-6Kb5uvlJ-lTlhev5hICffXLjYKkBrXuL8v3Ah3oDAHVhI_k3ueSPtuIs6AWYSACRlawj6Cg9sKP2fEz1e5kmAcAA5qhm8ZpmZunWhmz65eSyThMaK_OIAt25BI7l5Db/s400/bordo4.jpg)
![](https://blogger.googleusercontent.com/img/b/R29vZ2xl/AVvXsEgJFGAqtvvgqwpInWAquMgwO09A1GWwa5YJEC6PQThZKurvE0KElMS-wOQE3VluoDnp8DaTsc2l28vPGdqYyuYDcSjXAjSnhhwQ1D3I2xThRktDP9PgdmG-zYV3jO8SMth_3f0mQrcLPm-2/s400/risos.jpg)
Os risos para as facianas
![](https://blogger.googleusercontent.com/img/b/R29vZ2xl/AVvXsEjZK3tUbgx6DLedpGQgs9uFc8haRw-PE826Y4yyMXQ-uROdmvq6TFlAp2GawC5pj88EQ6v5o60xA-tPHhArIm0QXfF_48DC6_8eroehA-GgiHzmzSIQB-j85AUMj1Ke8NTC9LvsYcfYgJA2/s400/eu.jpg)
![](https://blogger.googleusercontent.com/img/b/R29vZ2xl/AVvXsEhhbipsW9uGDl5pFz-OiHxepoaXqQfvZ_zOuO24rGQ0r3drXff4_ZHrg7IGRwrjfBQuugRQhFpwXpn3gXuiXuaeVv7rIEQKX63eKt5y-X9ehfrEw7_oe66YaRFUhj4C-ZMEm636LYvb_IXW/s400/kube.jpg)
Comandante Kubeiro con mais roupa da habitual.
Foi o día do bautismo de mar para novos socios que se mollaron con algún salseiro, e tamén para convidados como Fernando da “Asociación Barcas do Minho”.
![](https://blogger.googleusercontent.com/img/b/R29vZ2xl/AVvXsEjxC7GIQXFt5qjQKO7oKdWL4CsgvRxynafTcZgsuUlFMBuLy7pBg05x7WaG9XfLpa3Pg33udJCuZRqErvCqIIgzkwiNnZPC-F43sfvx6cFFFkAxLWYgpJeFexoniwhWQixroao5pi5FHj_p/s400/mila.jpg)
Mila Miser: ás escotas
![](https://blogger.googleusercontent.com/img/b/R29vZ2xl/AVvXsEivjjys1lpJCuQaowgM4hL8Lgq6svS0CPfRMnuSedhzNUuUCt4v8VyYXc5RKMoIFzFHv-b1c4BP3N36nA4wyet3zBv5b56jZvyT2CN35uK41utuR_Hak8Bq9J75FlYtDsUkyzSVMg1cYtUB/s400/fernando.jpg)
Fernando: mariñeiro de reemplazo. (Moitas gracias pola molestia de asistir co carocho)
Sobre as 18.00h voltamos para Cambados, a cumprir coa programación do que quedaba da programada Varada, pois para esas horas xa tiñamos cancelado as actuacións musicais e animacións que estaban anunciadas no Cartel.
![](https://blogger.googleusercontent.com/img/b/R29vZ2xl/AVvXsEhbkYCcVfD_y1C79EAN5HY1K3l0FLrZ6lfZRB8VQmJmbtdy_2lC5owaaNl8UxDXIhWIn9u02FYYNl6FKHoILoDD-AyxKg8PZuQUdOcH48K_y0OwtWvqWKAClNbn8ALWolP4owNcC7SAm4T_/s400/rafa.jpg)
Rafa: mariñeiro profesional do cerco á caña na longa empopada á Cambados.
Chegamos a Cambados nun plis-plas cun ventiño constante do norte pola popa e varamos á Muller de Balboas na praia, triste e soa, ¡pobriña!. Por alí non se veía barco ningún, tan só as excepcións de Anxo (Amigos Dorna de Portonovo) que se achegou a San Tomé coa Bicoca, o Sr. José e mais o Carocho de Barcas do Minho, pero xa nin sequera baixaron os barcos do remolque.
![](https://blogger.googleusercontent.com/img/b/R29vZ2xl/AVvXsEgiwFaGXwGLi6ZwOrUANJyXVIybc9iel1ktKkkt-LT6OxVTUMcP_SkU_EFomzBOsIXQi4cQ8ULHAb83FV5KQXm5IbG3WN0BIIP-b3XcfxVHkmQQnU2MQ180YWk_b4wGAemL-yxjGv5Ko7yZ/s400/muller.jpg)
A muller sozinha
A tarde caía e ollando para a dársena de San Tomé, pensabamos no bonito que sería ver entrar os barcos para varar na praia e izar as velas...., máis non foi así. ¡Que se lle vai facer!, exclamaban algúns; e o noso presi, insuflando ánimos respostou: Ala, a asar sardiñas.
![](https://blogger.googleusercontent.com/img/b/R29vZ2xl/AVvXsEiCYLm2HZIWqHsOgvWKUI5PakSBm8hr8kPfja1e1VjTl44f3mKb7L8_TKiOv8YsWvaupuA7o1Bcl5_lVqKDUwp6ZAb5fCe0hLwf98ObLRTL0SYoIkU6UOZXAlftTztA2StkmOJBYe1YkZPg/s400/dornas2.jpg)
Dornas cambadesas no solpor
E así se fixo, e co lume, o cheiro das sardiñas e o Vinho Canhero fúmonos animando e pouco a pouco esquecendo o total fracaso da Varada en San Tomé. A eso das 12 da noite xa non quedaban sardiñas e o persoal desprazoude até o centro a presenciar o último traballo de Treixadura, un grupo de música tradicional con moita impronta cambadesa.
![](https://blogger.googleusercontent.com/img/b/R29vZ2xl/AVvXsEgzPpnU2M-vPqG1QkHTDmAv18uXmzIYAJUJ8rvC0NtkbMtuopbWIrnq57DCKDx4oaccomHtajrb5ye9IWmIWvXRW8C-9dzqfttZ1Jr8HpP00SmQrVQ_2WzZ5Xbb3uOxXgqX0Q-U47S2xbyO/s400/festa1.jpg)
![](https://blogger.googleusercontent.com/img/b/R29vZ2xl/AVvXsEg6kJL9-xDK8caGcdHaWZn4gEGaNJnV51Zccix6LKrq_mKxAFxeYwwi7w3mS5enMpyo7gKGjItm8QpniVNHqEXTSUZpwX0o64AHHsNBmvOABxbQmTLeqVn0bMl6XsgfkrhzP1DW3sxAHe_l/s400/festa2.jpg)
![](https://blogger.googleusercontent.com/img/b/R29vZ2xl/AVvXsEgPFDGsZfjZlO9H-l6ayO5U8UGqIGuKZUnKepctK179Ab-TaJNjnMGN1uSBfwDkvY7oGgEMjF2nBhvhVGWjy_EtKXTogUTOCYwJdgPj_w025T98NPf3vjz1TvusZa58L-q_Rs5Zf297cAwZ/s400/festa3.jpg)
E agora qué?. Nada, a seguir traballando e a agardar por tempos mellores.
Apertas a todos os membros do CMS.
Fotos: Mila Miser, Quico Alvarez e Boudevara.
5 comentarios:
Unha pena pero pasar, pasádelo de pinga!
saudinha...
Majete:
Está claro que nesta vida de todo se aprende e cada vivenza convida á reflexión, neste caso veume á cabeza que é unha putada que poñas moito traballo, e sobre todo moitísima ilusión en organizar algo para os demais (e para un mesmo) e que logo non saia ben, é como o de aplazar a regata nosa, que é unha putada e por riba as persoas que temos que tomar a decisión temos que escoitar as "opinións expertas" dos demais, que solo aparecen para opinar a posteriori pero non aportan nada no traballo previo, por norma xeral...
Tamén me ven á cabeza que haberá cousa de un ano nese mesmo emprazamento puido verse unha estampa maravillosa de dornas varadas, a barrer de dornas, co gallo do ano Cabanillas...
e con isto sigo a reflexionar, pero para os meus adentros, porque nesto deberíamos estar todos no mismo carro e tirando nunha mesma dirección.
que queres que che diga, temos que seguir, manter o ánimo e quedarnos co bo e coa boa xente que ten vontade e ganas e sabe pensar e obrar mais alá que do que lles ven dado.
Saúde Majete
Ola Andrea:
A verdade é que foi unha pena porque había moitas ganas de darlle caracter de cita obrigada a esta recen nacida Varada en San Tomé. Non pudo ser, a ver se para o ano saen mellor as cousas e nos vemos todos por Cambados. Ainda non colleches vacansias?. Apertas, bicos e achuchóns múltiples.
Sr Lino:
Vexote moi reflexivo. No CMS tamén teremos que reflexionar porque máis aló das condicións de vento, as cousas fallaron. Estou convecido de que noutras circunstancias o vento non sería maior problema, por iso non vale como escusa.
Polo tanto teremos que mirar cara adentro e facer autocrítica para tentar reconducir as cousas. Para min so ahi un camiño, seguir traballando e se conseguimos coherencia interna e continuidade se cadra co tempo virá o recoñecemento dos demáis. Pero eso ai que gañalo, pola miña banda paréceme correcto e acepto as reglas do xogo. Ai que encaixar as cousas como veñen e como son.
Para cando a regata dos Faros?. Moita sorte para a próxima vez.
hoxe reunimonos e non tratamos o tema, falamos de como facer no finde, que hai movida en Vilanova e mais en Riveira e reparteuse o choio.
supoño que antes de que remate a semana haberá que decidirse por unha ou outra data.
A min esta finde vaime tocar RANA que te criou. Non sei que fará a xente do CMS, as dúas propostas do fin de semana son atractivas pero seica a xente está un pouco liada con esto de sacar un peso no vrán. A ver
Publicar un comentario